عرض ممتاز
لابتوب Lenovo Gaming 3
– معالج Ryzen 7 5800H
– كرت شاشة Rtx 3050 بقوة 85 وات
– رامات 16
– هارد 1 تيرا مع SSD سعة 256 جيجا
– شاشة محترمة IPS و 165hz و 300nits و 100% sRGB
ب24,976 الف فقط
المواصفات كاملة : http://bit.ly/3HsXzlo
لينك الشراء : https://bit.ly/3R6Jmhy
————————–
مع العلم ان الاصدار اللي مرشحه هو اصدار الشاشة النضيفة
لو البائع او السعر اتغير = العرض خلص
بوست عيوب اللابتوب
من ضمن اللابات اللي رشحتها مؤخرا رغم عيوبها
هو Lenovo Gaming 3
باصداراته المختلفة
معالجات ryzen 5 5600h و ryzen 7 5800h (مبرشحوش بمعالجات غير دول)
وكروت شاشة gtx 1650 و rtx 3050 ونادرا بrtx 3060 لما رشحته
فتعال في البوست ده اقولك كل عيوبه بعد فترات من استخدامه فعليا وبعد ما لميت كل شكاوي المستخدمين بعيوبها (العيوب الحقيقية مش دلع)
==============================
العيوب :
1- البطارية ضعيفة 45wh
2- الكيبورد اوقات بيجرح الشاشة خصوصا لو بتحطه في شنطة والشاشة بتدوس علي الكيبورد فلازم يا تحط اسكرين علي الشاشة او وانت بتقفله دايما تحط الورقة اللي جاية معاه بين الشاشة والكيبورد (المشكلة دي بتحصل في لابات اخري كذلك فاعمل ده احتياطي)
3- في الاصدارات اللي بشاشة 120hz و 60hz الاقتصادية اللي تحت 20 الف حاليا
الشاشة بتاعتها سطوعها 250 nits و 45% ntsc فقط (طبيعي في الفئة دي في لابات الgaming)
4- مفيش mux switch (ده بيقلل الاداء بنسبة من 10% ل15% لو لابين بنفس كرت الشاشة)
5- الرامات اللي فيه مش كويسة لأنها 1Rx16 بس مش ملحومة ممكن مستقبلا تغيرها ب2Rx8 بحاجة كويسة.
6- المشكلة اللي جاتلي كتير مؤخرا ان وسط الضغط واللاب متوصل علي الشاحن البطارية بتنقص
للاسف ده بسبب ان الاصدار اللي بييجي مصر بييجي بشاحن 130 واط فقط
ولو انت شاري اصدار الrtx 3050 فالكرت ده لوحده بيسحب علي الماكس 85 واط
والمعالج بيسحب حوالي 45 واط !
ودول كرت الشاشة والمعالج فقط
بالتالي الطلب اعلي من امداد الشاحن
حلها ؟
تشتري شاحن 170 واط او اعلي (اللاب ده بينزل باصدارين شواحن ال130 واط وال170 واط)
سواء من مول البستان او تحاول تتواصل مع التوكيل وتشتريه
7- في مشكلة احيانا بتحصل في اللابات وكذلك بعض التجميعات اللي بمعالجات AMD ان الجهاز بيfreeze او بيlag
بيكون سببها خاصية اسمها AMD Platform Security Processor
لو عملت تحديث بايوس لأخر اصدار والمشكلة متحلتش جرب تقفلها وتشوف المشكلة اتحلت او لا
لو متحلتش رجعها تاني لأنها خاصية شبه مهمة للحماية
وتراجع الاسباب الاخري سواء مشكلة في الstorage او مشكلة ويندوز او رامات او خلافه.
8- الspeaker صوتها اقل من المتوسط في النقاء
انما كعلو الصوت ممكن تتحل سوفتوير بابليكشن زي Nahimic علي ميكروسوفت ستور
==============================
توضيحا
في نقطة الserviceability او امكانية الupgrade في اللاب هنا ممتازة
خصوصا في الاصدارات اللي تحت rtx 3060 لأنها بتدعم اضافة HDD
مفيش رامات ملحومة وممكن تضيف HDD
بس في نقطة اضافة الHDD فيها عيب صغير
عشان تركب HDD انت محتاج تنقل الm.2 للمكان الاخر علي اليمين وده بيدعم مقاس 2230 فعادي ركبه واقفل عليه بضهر اللابتوب او بلزق دبل فيس او لزق عادي مش هيحصل حاجة
بل وانه ممكن في اللاب ده انك تركب 3 storage
بأنك تركب اتنين m.2 وتركب تحويلة من sata لm.2
==============================
العيوب دي كتير ؟
اه بس متخيل ان السوق مفيهوش لاب performance افضل منه ينافسه؟
لابات الdell g15 اللي تحت ال20 نازلة بتبريد كارثي فعليا وشاشة اقل في الجودة وتبريد اقل وسعر اغلي.
في لابات تانية مضحكة من msi اغلي ومفيهاش اي ميزة
ولا اداء افضل ولا تبريد افضل وكروت شاشة معمولها ليميت للارض
علي الرغم العيوب اللي ذكرتها فوق في اللينوفو إلا انه بيقدم افضل اداء في فئته بدون throttle يذكر
طبعا اتمني نشوف لابات جديدة في مصر سواء بمعالجات الجيل ال12 او رايزن الجيل السادس
لأن حتي الان الجيل ال12 في اللابات اللي نزل في مصر ميستاهلش الشراء
==============================
